XesGalicia é unha sociedade mercantil pública autonómica da Xunta de Galicia, adscrita á Consellería de Economía e Industria, sendo os seus obxectivos apoiar o crecemento do tecido empresarial galego, impulsar o desenvolvemento e a consolidación económica e industrial de Galicia, así como fomentar o emprendemento e a innovación. Por iso, dende hai dúas décadas, XesGalicia xestiona diversas entidades de capital risco especializadas en función de cada tipoloxía de empresa ou proxecto.
Os factores que nos diferencian son o noso carácter público, a profesionalidade do noso equipo, o marcado foco das nosas políticas de investimento e a solidez institucional dos partícipes nas entidades de capital risco que xestionamos.
Con estes alicerces, e considerando o período 2022-2022, aprobamos novas operacións en favor de máis de 50 proxectos e por un volume agregado superior aos 35 millóns de euros, apoiando desta forma a actividade produtiva de empresas galegas. Así mesmo, cabe destacar que desde fai varios exercicios vimos participando activamente en varios programas de financiamento ao emprendemento, tanto de tipo vertical como horizontal, os cales obtiveron numerosos recoñecementos nacionais e internacionais.
O financiamento ás novas iniciativas empresariais de recente creación volve ser, no curto prazo, un dos nosos grandes obxectivos, para o que ampliamos a nosa colaboración en novos programas de apoio ao emprendedor. Ademais, seguimos poñendo á disposición das empresas galegas, ou daquelas que desexen desenvolver unha actividade económica en Galicia, fondos especialmente orientados ao apoio á modernización do tecido produtivo a través da súa transformación dixital, á innovación ou á internacionalización, unha colaboración dirixida tanto a grandes corporacións empresariais como ás pemes.
Así mesmo, con respecto ás diferentes tipoloxías de operacións que podemos afrontar, contamos con produtos especialmente deseñados para o reforzo dos fondos propios das compañías, para facilitar o incremento do tamaño empresarial a través de operacións de fusións e adquisicións ou para facilitar a sucesión empresarial a través de diversas fórmulas, especialmente necesarias no caso das empresas familiares. En coherencia co anterior e no marco dos obxectivos de reactivación do tecido empresarial e da transformación e crecemento empresarial tras a crise da Covid-19, XesGalicia conta cunha liña de financiamento denominada “Liña de Transformación”, dotada con 30 millóns de euros.
Todo isto é posible grazas á principal fortaleza de XesGalicia, que non é outra que o seu equipo. Contamos con profesionais de primeiro nivel que aglutinan unha dilatada experiencia e un gran coñecemento no ámbito do apoio empresarial, e que contan ademais cunha visión transversal en múltiples sectores económicos, completando así o apoio que ofrecemos ás empresas en clave de financiamento.
Coa colaboración dos nosos partícipes, XesGalicia seguirá traballando nesta mesma liña para que o tecido empresarial galego gañe en dinamismo e competitividade.
Raquel Rodríguez Espiño
Directora xeral de XesGalicia
Ponte en contacto con nuestro equipo y preséntanos tu proyecto, enviando un correo electrónico a la dirección inversiones@xesgalicia.org, describiendo brevemente tu proyecto e incluyendo la información que consideres (en formato .pdf, y con un tamaño máximo de 5 megas).
Especifica tu sector de actividad, la sede social de tu empresa, en qué fase se encuentra tú empresa (seed, early stage, expansión…) y cuales son los ejes principales de tu plan de negocio.
Xesgalicia tratará sus datos personales con la finalidad de atender las solicitudes presentadas en el formulario sobre su propuesta de inversión. Puede ejercer los derechos establecidos en los artículos 15 a 22 del Reglamento (UE) 2016/679 en las direcciones que encontrará en la información adicional. Más información en nuestra Política de Privacidad.
Sodiga Galicia acada os 50 anos de historia
Na actualidade, o capital social de Galicia Sodiga concéntrase nun 76% en mans da Xunta de Galicia.
Desta forma, Sodiga Galicia forma parte do conxunto de instrumentos dispoñibles en Galicia para o apoio de iniciativas empresarias, tales como o Instituto Galego de Promoción Económica, a Axencia Galega de Innovación ou XesGalicia (entidade que xestiona os activos de Sodiga Galicia desde el año 1999).
Na presente sección, e con motivo do 50 aniversario, ponse á disposición de todas e todos as memorias económicas de Sodiga Galicia do século XX, desde a súa constitución e ata a creación de Xesgalicia no ano 1999.
Constitución de Sodiga Galicia, cun capital social de 600 millóns de pesetas, por parte do Instituto Nacional de Industria -INI- (cun 51% do capital social), as sete caixas de aforro de Galicia e varios bancos.
O seu obxecto social é impulsar o desenvolvemento industrial de Galicia, promover a constitución de novas sociedades e a modernización e reestruturación das xa existentes.
D. Leopoldo Calvo-Sotelo y Bustelo é designado como o primeiro presidente da entidade.
Sodiga dá inicio á súa actividade empresarial en febreiro de 1973, coa axuda técnica e o respaldo financeiro dos seus socios constituíntes.
Levouse a cabo a execución dos primeiros estudos sectoriais: primario mitilicultor, lácteo, téxtil, naval ou auxiliar del automóbil.
Primeiros investimentos efectuados en empresas como "Lácteas de Atlántico", "Proullasa", "Refractarios de Sant-Yago" e "Acuicultura de Atlántico".
Crecemento do equipo humano en Sodiga, alcanzando un total de 16 titulados superiores, apoiados por persoal administrativo e auxiliar adicional.
Executáronse investimentos en 8 empresas de sectores diversos: "Maderas Cer", "Maderas y Aglomeradores del Tea", "Granitos Ibéricos", "Somega", "Acuicultura del Atlántico", "Rodman", etc.
Identificación da promoción de novo solo industrial como unha das principais necesidades para a promoción industrial de Galicia, para o cal se promove a constitución de "SIGALSA".
Produciuse o desenvolvemento de novos estudos xerais sobre a economía galega, tal e como un "Análisis y distribución de la población activa de Galicia".
Destaca o investimento en "MEISA" (Estación de montaña de Manzaneda) e en dous proxectos de industria transformadora no sector primario ("COMPLESA" y "UTEGA").
Inicio da actividade de prestación directa de avais ás sociedades participadas, así como a prestación de servizos de asesoramento contable, económico e financeiro.
Executáronse investimentos en cinco sociedades: catro delas entidades en funcionamento -destacando "Caucho Atlántica"- e unha delas de nova creación ("Plásticos de Atlántico").
Entre outros investimentos, sobresae a constitución de dúas novas sociedades dentro do sector de transformación do aluminio: "Fundiciones Industriales de Aluminio" (FUNDIALSA), no polígono de San Ciprián (Ourense) e "Perfiles del Aluminio" (PERFIALSA), no polígono de Sabón (A Coruña)
Desenvolvemento da actividad de concesión de préstamos a sociedades participadas, dando lugar á concesión de 5 préstamos por importe conxunto de 96 millóns de euros.
Ampliacións de capital en "Rodman", "Lácteas del Atlántico" y "Siderúrgica de Galicia", por importe total de 21 millóns de pesetas.
Desenvolvemento da actividade da filial "SIGALSA" (coa participación das caixas de aforro de Galicia e diversos bancos), para a preparación e desenvolvemento de solo industrial en Galicia.
Aprobación de 11 novas participacións, por un importe conxunto de 337,4 millóns de pesetas.
En 1980 Sodiga Galicia formalizou 24 novas operacións de participación, o que xunto cos préstamos, avais e ampliacións de capital en empresas xa participadas, supuxo unha cifra de investimento de 1.196 millóns de pesetas.
Destacaron as operacións en "Unión Carrocera" (Ourense e Vilagarcía de Arousa), "Tromosa" (Santiago de Compostela), "Lácteos Rueda" (Lugo) ou "Electricidad R.T.R." (Lugo e Rábade).
En 1981 Sodiga Galicia formalizou investimentos en 23 novas sociedades, cun investimento no seu capital social de 292,55 millóns de pesetas.
Ademais, acudiu a ampliaciones de capital en empresas xa participadas por importe de 50 millóns de pesetas, e concedéronse préstamos por importe de 555 millóns de pesetas.
Produciuse a apertura de novas estratexias de apoio á innovación tecnolóxica, destacando o inicio da colaboración coa Universidade e os programas de postgrado.
En 1982, tras sucesivas operacións de ampliación de capital ao longo da primeira década de vida de Sodiga, o seu capital social ascendía nese momento a 2.500 millóns de pesetas.
Nese ano, os investimentos financeiros de Sodiga ascenderon a 621 millóns de pesetas, colaborando na creación de máis de 700 empregos.
Destacaron as operacións de "Vehículos Especiales Uro", "Facet Iberica", "Energía de Galicia", etc., e púxose en marcha o primeiro programa de prácticas empresariais para postgraduados.
En 1983 a Xunta de Galicia participou por primeira vez nunha ampliación de capital de Sodiga Galicia, alcanzando un 7,27% do seu capital social, mantendo o INI un 51%. Esta operación supuxo, por primeira vez, a entrada no capital dunha "Sociedad para el Desarrollo Industrial" ("SODI") por unha Comunidad Autónoma.
Destaca a participación de Sodiga como socio protector fundador nas sociedades de garantía recíproca galegas AFIGAL e SOGARPO, así como os investimentos en "Lugar de Barral", "Plastycasset" ou "Iberica de Autocares"
En 1984, Sodiga Galicia investiu en 9 empresas, e acadou o desinvestimento en 5 participacións previas, alcanzando ao peche do exercicio unha carteira total de 77 empresas.
En termos financeiros, o investimento elevouse a 435 millóns de pesetas, mentres que os desinvestimentos alcanzaron un importe de 428 millóns de pesetas.
En 1985 Sodiga Galicia investiu en 17 novas participacións en empresas, que supuxeron un compromiso de investimento financeiro de 983 millóns de pesetas, e a xeración de 670 novos postos de emprego.
Destacaron os investimentos en "Irosa" (Valdeorras), "Matrigalsa" (Vigo), "Galihiorta" (Ferrol) ou "Incipresa" (Mos).
Por outra banda, durante o ano executáronse desinvestimentos en "Granitos Ibéricos - Grayco", "Coparex Minera", Hypor Ibérica" e "Manzaneda Estación Invernal"
En 1986 Sodiga Galicia investiu en 10 novas participacións en empresas, das cales 8 foron de nova constitución.
Destacaron os investimentos en "Polyhips" (Vigo), "Galiflor" (O Rosal), "Bodegas de Vilariño-Cambados" (Cambados), "Dinak" (Vigo), "Quegalsa" (Ferrol), "Anodizados de Sabón" (A Coruña) ou "Química de Ferrol" (Ferrol).
Durante o ano realizáronse desinvestimentos nas seguintes entidades: "Maderas CER", "Cedegalsa", "Caolines de Vimianzo", "Urovesa", "Conservas Carballo" e "Visones del Noroeste".
En 1987 Sodiga Galicia alcanzou un investimento de 893 millóns de pesetas, destacando as posicións tomadas en "Norafish" (Vigo), "Intasa" (San Sadurniño), "Zeltifur" (Cambre), "Galicia Manzanera" (O Porriño) ou "Insuiña" (O Grove).
Durante o ano realizáronse desinvestimentos en "Quival", Acuicultura del Atlántico", "Evatsa", "Galifox", "Cortiplas", "Ledega", "Galihorta" ou "Gamesa", totalizando un importe de 296 millóns de pesetas.
En 1988 destacou a actividade de investimentos na comarca de Ferrol, vinculada aos beneficios dos decretos de delimitación da "Zona Industrial en Declive" (ZID) e a "Zona de Protección Económica" (ZPE), que facilitaron a captación de novos investimentos.
Desta xeito, procedeuse á constitución de tres sociedades de envergadura: "Galitec", "Tile Stone" e "Polipropileno de Galicia". Doutra bada, tamén se realizaron investimentos en empresas doutras comarcas, tal e como "Norsistemas", "Moldugasa" ou "Salnesur".
Durante o ano executáronse os desinvestimentos en "Alunorsa", "Armesa", "Landesa", "Crimagasa", "Gaelico", "Ciesa", "Sidegasa" e "Lácteos Rueda", por un volume total de 433 millóns de pesetas.
En 1989 seguiu destacando a actividade de investimento iniciada no exercicio anterior na comarca de Ferrol, da man das delimitacións ZID e ZPE, permitindo alcanzar un volume total de investimentos de 652 millóns de euros.
Dentro do ámbito da comarca ferrolá, destacaron novos investimentos como "Forestal Atlántico" ou "Emilio Maffezini", mentres que noutras comarcas poderían destacarse "Termojet" ou "Graninter" en Vigo, e "Conservas y Ahumados" en Santiago de Compostela.
Durante o ano realizáronse os desinvestimentos de "Cía de Motores Deutz-MWM", "Unicar", "Irosa", "Dinak" ou "Galiflor", totalizando un volume de 544 millóns de pesetas.
En 1990, Sodiga formalizou 10 novos investimentos por un importe agregado de 544 millóns de pesetas.
Destacan os investimentos efectuados en "Frinova" (Grupo Pescanova), "Servinor" e "Norconsult" (filiais de Unión Fenosa), así como "Galega de Granitos", "Termojet" ou "Sodeimón". Finalmente, destaca tamén o novo investimento en "Dinak", na cal se tomou participación por segunda vez tras a súa forte expansión (primeiro investimento en 1986, con desinvestimento 3 anos despois).
En 1991, destaca a xénese da "Agrupación Europea de Sociedades de Desarrollo del Arco Atlántico", con presidencia de SODIGA. A agrupación fórmase por 18 sociedades de desenvolvemento rexional ou de capital risco europeas (1 de Escocia, 1 de Inglaterra, 7 de Francia, 8 de España e 1 de Portugal), para fomentar as relacións entre as devanditas rexións e conseguir axudas comunitarias.
No que aos investimentos, nese exercicio Sodiga formalizou 14 novos investimentos, destacando "Acuinova Galicia", "Nak Electronics", "Ferroplast" ou "Lamcol Orense".
En 1992, o investimento financeiro de Sodiga ascendeu a 539 millóns de pesetas, mediante a formalización de 14 novas operacións, sendo "Ormasa" e "Udesa" primeiros investimentos e as restantes 12 investimentos en carteira previa, destacando as operacións en "Cyasa", "Neoplástina de España", "Ferroplast" e "Frinova".
Adicionalmente, destaca a constitución do Instituto Galego de Promoción Económica (IGAPE), así como o inicio de negociacións para a incorporación de Sodiga ao propio IGAPE.
En 1993, o investimento financeiro de Sodiga ascendeu a 560 millóns de pesetas, mediante a formalización de 9 novas operaciones, sendo "Kiwi Atlántico", "Mecamos" e "Aprohigasa" primeiros investimentos e as restantes 6 operacións investimentos en carteira previa, destacando as operacións en "Rodman-Poliships", "Insuiña", "Tile Stone" ou "Gamansa".
No que respecta aos desinvestimentos, materializáronse 8 operacións destacando o caso de "Polipropileno de Galicia", onde o seus socios promotores exerceron o seu dereito á recuperación da participación.
En 1994, alcanzouse un acordo para a transmisión da propiedade de Sodiga Galicia en favor da Xunta de Galicia, procedente de "Teneo" (sociedade estatal do goberno de España, con actividade entre 1992 e 1996, que á súa vez recibira a súa participación en Sodiga do INI).
Así mesmo, formalizáronse diversos convenios para intensificar a colaboración entre Sodiga e a administración autonómica.
No que concirne á actividade de investimentos, destacaron as operacións con "Bajamar Séptima", "Engasa", "Mecamos", "Frinova" ou "Parque Eólico de Malpica"
Ao peche do ano 1995, a Xunta de Galicia controlaba xa máis do 60% do capital de Sodiga, iniciándose un convenio de cooperación financeira para a creación e xestión dun "Fondo de Financiamento ao Investimento" (FFI), dotado con 500 millóns de pesetas, para capitalizar Sodiga Galicia.
Tamén destacou a creación dun fondo de capital risco, Galicia-Norte de Portugal, no marco da iniciativa comunitaria "Interreg II", estruturado mediante dous vehículos de investimento -un en cada territorio.
Adicionalmente, iniciouse a colaboración de Sodiga Galicia con INESGA.
En 1996, reforzouse a colaboración coa Xunta de Galicia, a través do IGAPE, INESGA e o conxunto de Consellerías de carácter económico, confirmándose un substancial incremento da actividade financeira da sociedade, como consecuencia da transformación de Sodiga nun instrumento básico da política de promoción empresarial da Xunta de Galicia.
Dita promoción, e o apoio financeiro a empresas de nova creación, así como ás xa participadas en exercicios anteriores ("Hidrogiesta", "Playdesa", "Pemalsa", "Guimanher", "Univi"), supuxo unha cifra de investimentos agregada de casi 1.050 millóns de pesetas, materializada principalmente en participacións de capital.
En 1997 celebrouse o 25 aniversario da fundación de Sodiga.
Tras a toma de control por parte da Xunta de Galicia en 1995, en 1997 consolidouse a tendencia de maior volume de investimento iniciada en 1995.
Desta xeito, formalizáronse 24 operacións de financiamento nun total de 21 empresas, por un importe conxunto de 1.110 millóns de pesetas. Destacaron os investimentos realizados en "Arteixo Telecom" (electrónica), "Grupo Lácteo Gallego" (alimentación), "Privilege" (materiais), "Pescanova Chapela" (alimentación), "Pino Herramientas" (mecánica) ou "Allarluz" (enerxía).
En 1988, Sodiga Galicia adaptou os seus estatutos ao novo marco regulatorio das sociedades de capital risco, actualizando a denominación pola súa versión definitiva: "Sodiga Galicia, Sociedad de Capital Riesgo, S.A."
Durante o exercicio 1998 mantívose un ritmo de investimentos superior aos 1.000 millóns de pesetas anuais, alcanzando desde 1995 coa toma de control por parte da Xunta de Galicia.
Deste xeito, formalizáronse operacións nun total de 15 empresas, por un importe conxunto de 1.060 millóns de pesetas, destacando os investimentos en "CZ Veterinaria", "Bodegas Terras Gauda", "Balneario de Mondariz", "Comunitel" ou "Mecanor".
Durante o exercicio 1999 creouse Xesgalicia, sociedade xestora dependente da Xunta de Galicia, á cal se lle encomendou a xestión dos activos de Sodiga, subrogándose o seu persoal na nova entidade.
Adicionalmente, constituíronse os fondos de capital risco "Adiante 2000" e "Emprende", tamén baixo a xestión de Xesgalicia, conformándose deste xeito unha nova era no capital risco galego.
En materia de investimento, durante o exercicio realizáronse investimentos por importe superior aos 1.448 millóns de pesetas, dos cales 398 millóns correspondéronse con investimentos asociados ao acordo Galicia-Norte de Portugal.
Os principais investimentos foron "Cooperativa-Zeltia Veterinaria", "Bioetanol Galicia", "Vicente Romeo", "Comunitel Portugal" ou "Fibroplac".
