Xornada técnica ICO – IGAPE en Santiago sobre instrumentos de financiamento para autónomos e pequenas empresas

venres, 14 Xullo, 2017 - 13:00
  • O encontro ten como obxectivo achegar aos autónomos, emprendedores e pequenas empresas os novos instrumentos de financiamento que se están poñendo en marcha tras os acordos de colaboración entre o Instituto de Crédito Oficial (ICO), o Igape, as entidades financeiras galegas e as SGRs.
  • Terá lugar o vindeiro 20 de xullo na Cidade da Cultura de Santiago de Compostela

 

O vindeiro xoves 20 de xullo, a partir das 11:15 horas, no Auditorio da Biblioteca – Cidade da Cultura, en Santiago de Compostela, terá lugar a Xornada Técnica ICO- IGAPE: Instrumentos de financiamento para autónomos e pequenas empresas, que ten como obxectivo achegar aos autónomos, emprendedores e pequenas empresas os novos instrumentos de financiamento que se están a poñer en marcha ao abeiro dos acordos de colaboración entre o Instituto de Crédito Oficial (ICO), o Igape, as entidades financeiras galegas e as SGRs.

A xornada será inaugurada pola Secretaria Xeral de Emprego, Covadonga Toca Carús e o director xeral do IGAPE, Juan Cividanes Roger.

Os asistentes ao encontro poderán coñecer da man da subdirectora de Mediación e Pemes do ICO as liñas de financiamento deste organismo para empresas e emprendedores e descubrir casos de éxito de empresas e instrumentos de financiamento para autónomos e microempresas nunha mesa redonda moderada pola subdirectora de Programas de Financiamento , Beatriz Calderero.

A xornada, que incluirá tamén actividades coworking, será clausurada por Pablo Zalva, presidente do ICO e Francisco Conde, Conselleiro de Economía, Emprego e Industria.

Para máis información, pode descargar nesta páxina o programa da xornada e utilizar a seguinte ligazón para confirmar asistencia.

 

Categoría: